Padan.org - Le lingue, i loro dialetti e l'identità della Padania - Aniversari 2005: Cent’agn de fisega in del segn de l’Einstein

El 2005 l’è staa designaa l’ann mundial de la fisega in memoria de l’ann 1905 quand che l’Albert Einstein l’ha casciaa föra cinch articui che hann mudefegaa la nosta manera de vif e de vardà el mund. Gh’è mai staa un ann inscì rivolüziunari cumpagn del 1905. Tücc el secul XX l’è staa passaa di scienziaa per cercà de verificà e de cumprend quel che l’Einstein l’eva dii, e anca adess in del secul XXI sem ‘dree a invià di sund spaziai per verificà i prediziun de la relatività generala. El 1905 l’è anmò atüal incö in del 2005. Einstein in del 1905 el gh’eva vintises agn, e s’era giamò laüreaa de cinch agn in del Politecnegh de Zürich.
In de chii agn lì el laurava in del’Üfizzi di brevèt de Berna, e de sfros el legeva i articui di rezzerch scientifegh per restà agiurnaa in sü tücc i prublema vèrt. Eren i agn de la mecanega del Newton in due ch’el temp el passava per tücc a la medèma velucità segund ‘dree segund, ma l’era anca el temp di teurii del Maxwell in sü i und eletrumagnètegh. El prublèma l’era che i und se cumpurtaven nò cumpagn di corp descrivüü de la mecanega del Newton e se cumprendeva nò el perchè. El Newton el diseva che se mì voo a 100 Km/h e un queivün d’alter gh’ha vöia de süperam a 110 Km/h, mì alura el vedraroo ch’el me se sluntana a 10Km/h. Se inscambi gh’è vün che viagia a 100 Km/h cuntra de mì in de l’altra cursia, alura el vedraroo ch’el

Funt: La Vüs de l'Insubria, Giornal.org