REXISTENSA domanda l'anulamento çerimonia de posa de na lapide par G. Garibaldi in programa a Conelian sabo 23.09.2006
Data: Giovedì, 21 settembre @ 16:19:49 CEST
Argument: Padania e Federalismo
Montecio M. (VI) 21.09.2006, El Comitato de Rexistensa Veneta ritien che l'inaugurasion de na targa "a ricordo del pasajo de Giuseppe Garibaldi in te la çità in t'el 1867" a Conelian (TV), sabo 23 setenbre a le ore 11.00, co tanto de banda muxical e de le imancabili "autorità çivili e relijose", la sia inaçetabile e inoportuna, in quanto lexiva de la memoria dei Veneti oltre che de la verità storega ojetiva.
Da na riletura de la storia risorjimental, scevra da le storpiadure propinà par dexine de ani da la scola de stato taliana, vien fora che la figura de Giuseppe Garibaldi la xe tut'altro che exente da onbre: bandito e rasiador, bandio par rapina e sachejo in diversi stati del sudamerica, po merçenario par varie potense foreste!
El personajo in cuestion non solo non el merita el nome de "eroe dei due mondi", ma el meritaria, al contrario, che el so nome fuse asocià a le parole "mercenariato" e "ladrocinio", do termini che evidensia el filo condutor de la so vita e de le so imprexe.
L'iniziadiva de l'aministrasion xè inoportuna parché atuà in te la pì total asensa de senso critego de la storia e sensa rispeto par i mejari de soldà veneti morti in tei scontri contro i soldà savoiardi e i merçenari garibaldini par difendar la Venesia da l'invasione del 1866 (vinçendo, tra l'altro, sia par mar, a Lisa, che par tera a Custoxa)
El comitato de Rexistensa Veneta el domanda a l'Aministrasion comunal de Conelian:
- che vegna anullà la çerimonia piovega programà sabo 23 setenbre p.v., par evitar che vegna comeso on ulterior eror storego e vegna riverta na feria in te la memoria dei Veneti;
- che se invia fora on dibatito piovego, coinvolxendo la çitadinansa traverso l'organixazion de tole rotonde e convegni e invitando storeghi unanimamente riconosù come inparsiai, par analixar e conprendar la reale figura de Giuseppe Garibaldi, al de là de tuta la propaganda de l'otoçento e fasista;
In t'el caxo l'Aministrasion la volese far lo steso la manifestasion el comitato de Rexistensa anunçia inixiadive paçifiche e non violente de contestasion de la çerimonia
Grasian Agujaro
Portavose Rexistensa
+39 338 620 5554
info@rexistensa.org
|
|